Sanmartín Gestión alcanza un acordo de fusión con Gestiseguros
En Sanmartín Gestión vimos de pechar un acordo de fusión con Gestiseguros /Técnica Ofigestión que nos vai permitir reforzar a nosa cota de mercado fundamentalmente na Estrada e na contorna.
En virtude deste acordo, as pólizas que viñan sendo intermediadas por esta axencia vinculada, pasarán a ser xestionadas directamente por Sanmartín Gestión, que porá a disposición destes novos clientes a todo o seu persoal especializado para ofrecerlles a mellor atención, así como unha ampla carteira de produtos e servizos aseguradores e financeiros.
Esta fusión enmárcase no proceso de crecemento e expansión que está a experimentar Sanmartín Gestión nos últimos meses e que incluíu a apertura de novas oficinas en Bandeira (Silleda) e no Milladoiro (Ames), ademais doutras aperturas inminentes en Lestedo e Boiro.
Así, a rede comercial de Sanmartín Gestión pasará a estar formada por un total de 13 oficinas: A Estrada, Bandeira, Boiro, Caldas de Reis, Cerdedo, Cuntis, Lestedo, Marín, O Milladoiro, Pontevedra, Rianxo, Silleda e Vilagarcía de Arousa.